Napisano pismo Petra IV. Zrinskog supruzi Katarini koje počinje riječima „Moje drago serce…“
“Moje drago serce.
Nemoj se žalostit svrhu ovoga moga pisma, niti burkati.
Polag Božjega dokončanja sutra v deseti ore budu mene glavu sekli, i tulikajše naukupe tvojemu bratcu.
Danas smo si jedan od drugoga srčeno prošćenje uzeli.
Zato jemljem ja sada po ovom listu i od tebe jedan vekovečni valete, tebe proseći, ako sam te u čem zbantuval, ali ti se u čem zameril (koje ja dobro znam) oprosti mi.
Budi Bog hvaljen, ja sam k smrti dobro pripravan, niti se plašim, ja se ufam u Boga vsemogućega, koji me je na ovom svetu ponizil, da se tulikajše mene hoće smilovati, i ja ga budem molil i prosil (komu sutra dojti ufam se), da se mi naukupa pred njegovem svetem tronušem u dike vekivečne sastanemo.
Veće ništar ne znam ti pisati, niti za sina, niti za druga dokončanja našega siromaštva.
Ja sam vse na Božju volju ostavil.
Ti se ništer ne žalosti, Ar je to tak moralo biti, U Novem Mestu, pred zadnjim dnevom mojega življenja, 29 dan aprila meseca, o sedme ore podvečer, leta 1671.
Naj te gospodin Bog s mojum kćerju Auroru Veroniku blagoslovi.
Groff Zrini Petar”